Translate This Page

 Um safnið

Tækniminjasafn Austurlands er menningarminjasafn sem er jafnframt sjálfstæð vísinda- og þjónustustofnun sem rekin er í þágu almennings.  Því er ætlað að vera miðstöð minjavörslu og rannsókna á tækniminjum af öllu landinu með áherslu á Austurlandi.  Það er auk þess byggðasafn Seyðfirðinga.  Safnið
var stofnað 1984 og fjallar aðallega um þann tíma er nútíminn var að hefja innreið sína á landinu um 1880 - 1950.  Því er ætlað að auka og miðla þekkingu á menningararfi íslensku þjóðarinnar og stuðla að því að sem flestir geti haft gagn og gaman af sögu og minjum lands og þjóðar.  Þrjár grunnsýningar eru nú á safninu, Prentstofan, Símstöðin og Vjelasmiðja Jóhanns Hanssonar auk þess sem tilfallandi styttri sýningar eru jafnan á boðstolum.  Safnið er í sex húsum auk útisvæðis með bryggju, slipp, görðum og gróðursælar hlíðar.  Í júlí ár hvert er haldin þriggja daga hátíð þar sem fjölbreytt námskeið í eldra handverki fara fram.  Tónlistar- og skemmtiatriði eru jafnan seinni part dags og á kvöldin er dansað á Angrósbryggjunni við lifandi tónlist.  


Tækniminjasafn Austurlands var stofnað 1984 og fjallar aðallega um þann tíma er nútíminn var að hefja innreið sína á landinu um 1880 - 1950. Safnið sýnir hvernig tæknibreytingar á fjölmörgum sviðum, t.d. véltækni, rafmagn, fjarskipti, samgöngur og byggingalist eru samofnar breytingum á lifnaðarháttum og umhverfi. Sýningar eru lifandi og leitast við að endurvekja andrúm tímans sem fjallað er um. Safnasvæðið er jafnframt tilvalið útisvistarsvæði fyrir gönguferðir og samveru.